Aprendizaxe asociativa

Aprendizaxe que se obtén ao establecer algún tipo de conexión entre dous ou máis elementos ou unidades. Así, por exemplo, a imaxe dun can tende a asociarse coa dun gato, xa que se trata de dous animais domésticos moi comúns. No campo específico do ensino de linguas, adóitase empregar como estratexia para a aprendizaxe do vocabulario. Por exemplo, o adxectivo inglés rich e o seu equivalente francés riche pódense asociar cos seus sinónimos well-off/wealth e aisé(e)/fortuné(e), ou cos seus antónimos poor e pauvre. O importante é que o discente relacione os dous elementos co fin de facilitar a súa aprendizaxe.